Sa palitan ng mga paratang, walang pinatutunguhan kundi ang di pagkakaintindihan.

Tiwala nga raw ang sinusubok sa prosesong ito - kung kapani-paniwala pa o hindi na ang isang opisyal ng gobyerno. Pahikbi-hikbi at maluha-maluhang nagbitiw ng kanyang testimonya si Corona kahapon; dama ang panlulumo at pagkadismaya sa animo’y kuntsabahan ng gobyerno ni Aquino at ng media sa pagyurak ng kanyang pangalan. Isang nakakaawang Corona ang humarap sa korte kahapon. Isang dehadong pulitiko na humihingi ng amor sa samabayanang nanonood; pilit ng nililinis ang kanyang pangalan na aniya’y malubhang dinungisan.

Sus, nakita ko na yan.

Ilang buwan pa lang naman ang nakalilipas ng si Gloria Arroyo ay dumaan din o gumamit din ng ganyang klase ng skema. Upang maiwasan ang tuluyang pagkakagisa ng gobyerno sa kanya, pinili niyang magtago at magkubli sa likod ng kanyang mga guwardya at disipulong pulitiko’t kongresista.

…

Puta. Nakakapikon lang kapag ganitong klase na ng pulitika ang umiiral sa bansa. Di naman isang primetime na teleserye ang mundo ng gobyerno; wala dapat actingan at drama. Sersbisyo lang.